आमच्याबद्दल

जगन्नाथ अनंत केळकर

वाडा (ता. देवगड) परिसरातील माध्यमिक शिक्षणाची निकड ओळखून श्री. जगन्नाथ अनंत केळकर यांनी दिलेल्या उदार देणगीतून ‘अनंत कृष्ण केळकर हायस्कूल’ची उभारणी झाली. ग्रामीण भागातील विद्यार्थ्यांसाठी शिक्षणाची दारे खुली करून ज्ञानप्रसाराच्या कार्याला बळ देण्यात त्यांच्या योगदानाचा सिंहाचा वाटा राहिला आहे.

आज देवगड एज्युकेशन बोर्डाच्या छत्राखाली पूर्व-प्राथमिक, प्राथमिक, माध्यमिक आणि उच्च माध्यमिक स्तरावर मराठी व सेमी-इंग्रजी माध्यमातून अद्ययावत सुविधा व गुणवत्तापूर्ण शिक्षण दिले जात आहे.
डिजिटल शिक्षणपद्धती, आधुनिक शैक्षणिक सुविधा आणि वाणिज्य शाखेच्या विस्तारामुळे संस्थेने काळानुरूप स्वतःला सक्षमपणे विकसित केले आहे. ज्ञान, संस्कार आणि सर्वांगीण विकास यांचा सुंदर संगम साधत ही संस्था आज सिंधुदुर्ग जिल्ह्यातील अग्रगण्य शैक्षणिक संस्थांपैकी एक म्हणून मानाने ओळखली जाते.
एसएससी बोर्डाच्या गुणवत्ता यादीतील उल्लेखनीय यश, विविध क्रीडा स्पर्धांमधील सातत्यपूर्ण कामगिरी आणि विद्यार्थ्यांच्या सर्वांगीण प्रगतीतून संस्थेची उज्ज्वल शैक्षणिक परंपरा आजअधिक तेजाने झळकत आहे.

“ज्ञानं शीलमं तपोबलम्” हे शाळेचे ब्रीद सार्थ ठरवत आम्ही भविष्यातील आव्हानांना पेलण्यासाठी सज्ज आहोत. तंत्रज्ञान आणि नैतिक मूल्ये यांची सांगड घालून, कोकणच्या मातीतील हिऱ्यांना पैलू पाडण्याचे आमचे ध्येय आजही कायम आहे. येणाऱ्या काळात जागतिक दर्जाचे शिक्षण आपल्या दारात आणण्यासाठी ‘देवगड एज्युकेशन बोर्ड’ कटिबद्ध आहे.
संस्थेच्या प्रगतीचा हा आलेख आमच्या आजी-माजी पदाधिकारी, शिक्षक आणि देणगीदारांच्या त्यागाचा आणि समर्पणाचा जिवंत पुरावा आहे.